Sonila Meço ka dy shqetësime. Sipas saj, Rama po na izolon nga Europa. Dhe si të mos mjaftojë kjo, ajo thotë se Rama ka vendosur të izolojë edhe vëllezërit Budina në shtëpi.
“Fjala “izolim” ka një ngarkesë të hidhur në kujtesën kolektive shqiptare.
Kur e dëgjoj në rrethana të ndryshme nga ato të bisedave zëultas në shtëpinë e fëmijërisë, sërish më ngjethet mishi nga ngjarje e histori të trishta të shtetit të harruar buzë Adriatikut, mes euforisë së shkëmbit granit dhe kujës së prindërve, që mohonin fëmijët teksa kapeshin në arrati e sipër.
Dhe pas lajmeve të sotme, nuk është më kujtesa, që më gërryen ndërsa përmendet fjala “izolim”, por aktualiteti.
15 kushte, që Shqipëria të mundet të ulet në konferencën e parë për çeljen e negociatave. Me refuzimin, që u bën pushteti izolimi në portat e Europës po rrezikon të na shndërrojë në humbëtirën buzë Adriatiku.
Dy vëllezërit Budina e të afërmit e tyre janë izoluar në rrethana ende të paqarta, por me vullnet të plotë të autoriteteve për t’ua bërë ndëshkues procesin, duke u publikuar emrat.
Dy ngjarje sot, që për nga trazimi ia tejkaluan thirrjes së kujtesës, që pikonte trishtim sapo përmendej fjala “izolim”.
Përsëritja e historisë e shndërron këtë të fundit nga tragjedi në komedi, por mesa duket Shqipëria do ta mbajë në të njëjtin zhanër”, shkruan Meço.
Izolimin e Shqipërisë edhe mund ta përballojmë, po këtë izolimin e vellëzrve Budina si mund ta durojmë!
