Pas njoftimit se ministri i Rindërtimit dhe Rimëkëmbjes shëndetësore do shkonte në emision të Qim Pekës, Karmina mori mesazhe të shumta nga fansat e saj, të cilët kërkojnë shpjegime se çfarë ka ndodhur që Qim Peka e thirri ‘Tigrin’.
Karmina u përcolli fansave shpjegimine Qim Pekës:
“Ardhja e Tigrit në TV, lidhet me momentin aktual ku po kalojmë.
Siç e dini, Qeveria po bën gati një ligj për amnistinë fiskale dhe ne kemi dyshimet tona se ata mund të legalizojnë vetëm lekët e tyre, dhe jo të palës tjetër.
Për këtë është e nevojshme të bëjmë një hetim duke u ballafaquar dhe me qëndrimet e ‘Tigrit’.
Dyshimet tona janë të bazuara në shumë fakte.
Fakti i pare, është që Blushi ka dalë me tokë në Drimadhë, Zeni me tokë në Dhërmi, por ndërsa Zeni paguan nga lekët e tij për TV, Blushi merr nga lekët e TV për vete.
Kjo është padrejtësia e parë dhe këtu duhet të jemi të barabartë.
Fakti i dytë që kemi, është se këta të inceneratorëve të plehrave bëjnë reklama vetëm tek Topi, ndërsa tek ne nuk bëjnë, pasi duan të na paraqesin si njerëz që nuk duam të pastrohen plehrat.
Fakti i tretë, është se në SHBA ka dalë dhe një vrasje tjetër e një qytetari me ngjyrë nga policia, për të vazhduar protestat .
Fakti i katërt, është që testi i Turit është aglez, por Turi e ka ndërruar emrin, pasi e ka pasur Ramadan, pasi është dënuar në Angli.
Fakti i pestë, është që Myslym Murrizi po i merr deputetin Adnor Shameti PS-së, dhe kjo ka ngjallur revolta në Skrapar.
Të gjitha këto fakte po t’i analizosh lidhen me njëra- tjetrën, pasi në thelb janë procese që bëhen me lekë, dhe pikëpyetja kryesore është nëse do na lejojnë t’i kemi lekët e pastra në bankë, apo të rrezikojmë jetën e Gazit që na i bie me qese.
Për këto dhe pyetje të tjera ‘Tigri’ do na tregojë se si veprohet në këto raste dhe pse Qeveria nuk ka gjë as me lekët e Zenit, as me të emigrantëve të tjerë, që i kanë bërë me djersë, por i kanë jashtë bankave.
Nuk duhet harruar se mes të tjerash Luli ka qenë sot në Vlorë dhe ka premtuar që tek ish- vendi i pallatit të tij do ndërtojë një monument për ‘Babalen’.
Të gjitha këto do japin një tablo të qartë të zhvillimeve që priten.”
