Thuajse ka përfunduar i tërë numërimi në Mal të Zi, i cili ka vënë si fituar partinsë DPS të Milo Gjukanovic me një margjinë të vogël ndaj proserbëve. Gjukanovicit i duhet një koalicion për të siguruar shumicën në parlamentin malazez që ka 81 ulëse.
Qendra për Transicionin Demokratik ka treguar rezultatin e numërimeve deri më tani.
Deri më tani, janë përpunuar 265 nga 268 vendvotime apo 98.8% e votave.
Mirëpo, në këto zgjedhje “çelësi” i qeverisë është në dorën e një shqiptari. Bëhet fjalë për Dritan Abazoviç, president i “Ura”.
Dritan Abazoviç zhvilloi një bashkëbisedim me gazetaret e Abc News, Juli Xhokaxhi dhe Linda Karadaku.
Votat e tij do të bëjnë diferencën, ndërsa Abazoviç e cilësoi veten si “Game changer”, personi që do të bëjë edhe ndryshimin e lojës.
“Çelësi i qeverisë ka për tu varur pre koalicionit tonë. Ne s’kemi për të lejuar që të krijojnë kushte që nuk janë të mira për qytetarët.
Më ka takuar si shqiptar që pas 30 vitesh të mbaj çelësin. Kam pasur shumë sulme, edhe prej partive nacionale shqiptare.
Që nuk duan të pranojnë që një shqiptar mund të përfaqësojë në Malin e Zi në një nivel më të lartë.
Çelësi i qeverisë është që të krijohet qeveria e eksperteve, nuk ka për të pasur ndryshime të politikave të jashtme. Nuk ka nevojë për të pasur frikë”, u shpreh ai.
I pyetur se me kë do të negociojë për t’i dhënë kështu Malit të Zi qeverinë e re, ai tha: “Negociatat mund të bëhen vetëm ata që janë të gatshëm të bëjnë sistemin e qeverisë së ekspertëve”.
Rezultatet janë si më poshtë:
1. Social Demokratët 4.13%
2. Partia Boshnjake 3.80%
3. SDP 3.09%
4. E zezë dhe e bardhë 5.53%
5. Koalicioni Shqiptar 1.37%
6. Vendimtar për Malin e Zi 35.44%
7. Për të ardhmen e Malit të Zi 32.82%
8. Lista shqiptare 1.54%
9. Paqja është kombi ynë 11.94%
