Katër persona janë arrestuar pas thirrjeve raciste që janë bërë në internet kundër 3 futbollistëve të Anglisë; Bukayo Saka, Jadon Sancho dhe Marcus Rashford.
Ndaj tyre shpërthyen thirrjet raciste në rrjetet sociale pas humbjes së Anglisë me penallti në finalen me Italinë për kupën e Kampionatit Europian.
Autoritetet britanike thonë se hetimet për këtë çështje po vazhdojnë. Vepra penale që është regjistruar është krim i urrejtjes.
Policia i ka bërë kërkesë rrjeteve sociale për të dorëzuar deklaratat raciste që janë bërë nga përdoruesit online ndaj tre lojëtarëve të ekipit të Anglisë.
“Abuzimi racor ndaj lojtarëve tanë pas ndeshjes të së dielës është krejtësisht i papranueshëm dhe me të drejtë ka shokuar qytetarët në mbërë vendin.
Skuadra e Anglisë ka qenë model gjatë gjithë kampionatit, duke treguar profesionalizëm dhe dinjitet. Jam i neveritur që ka njerëz të cilët mendojnë se mund të pranohen të tilla abuzime urrejtje ndaj tyre apo personave të tjerë”, tha një zyrtar britanik.
Hetimet po vijojnë për të identifikuar persona të tjerë që kanë bërë thirrje raciste.
